કદી આકારમાં પ્રગટી, સદા નિરાકાર રહી, લીલા તારી તું કરતી રહી
પ્રેમમાં વસનારી હે પ્રગટ પ્રેમેશ્વરી, પ્રેમપાન કરાવતી રહી
અશક્યને શક્ય બનાવી, જીવનમાં વિશ્વાસ વધારતી રહી
રાતદિનની લીલામાં સહુને તો, તું સમાવતી રહી
કદી દર્દમાંથી તો કદી આરામમાંથી, ઝાંખી તારી આપતી રહી
રચી નવી નવી લીલામાં હૃદય પર, વિજય પ્રાપ્ત કરતી રહી
શ્વાસોશ્વાસમાં સિંચન પ્રેમનું, તું તો સદૈવ કરતી રહી
માયામાં વસનારી, તું તો સદૈવ માયાથી દૂર ને દૂર રહી
અંતરના અનુભવ, અંતરને કરાવતી રહી
પ્રેમપાન કરાવીને તારા અશરણને, શરણ તું તો આપતી રહી
અણુએ અણુમાં વસનારી, દિલમાં તું પ્રગટ થાતી રહી
- સંત શ્રી અલ્પા મા
kadī ākāramāṁ pragaṭī, sadā nirākāra rahī, līlā tārī tuṁ karatī rahī
prēmamāṁ vasanārī hē pragaṭa prēmēśvarī, prēmapāna karāvatī rahī
aśakyanē śakya banāvī, jīvanamāṁ viśvāsa vadhāratī rahī
rātadinanī līlāmāṁ sahunē tō, tuṁ samāvatī rahī
kadī dardamāṁthī tō kadī ārāmamāṁthī, jhāṁkhī tārī āpatī rahī
racī navī navī līlāmāṁ hr̥daya para, vijaya prāpta karatī rahī
śvāsōśvāsamāṁ siṁcana prēmanuṁ, tuṁ tō sadaiva karatī rahī
māyāmāṁ vasanārī, tuṁ tō sadaiva māyāthī dūra nē dūra rahī
aṁtaranā anubhava, aṁtaranē karāvatī rahī
prēmapāna karāvīnē tārā aśaraṇanē, śaraṇa tuṁ tō āpatī rahī
aṇuē aṇumāṁ vasanārī, dilamāṁ tuṁ pragaṭa thātī rahī
|