વિકારોમાં અમે રમીએ ને માયામાં અમે ભમીએ
કરવાનું તો કાંઈ નહીં, ના કરવાનું બધું કરીએ,
થાય મન ધાર્યું તો જીવનમાં, બે પગ જમીન ઉપર ચાલીએ
ના થાય જ્યારે કાંઈ, દોષનું ટોપલું તને અર્પણ કરીએ,
જાણીએ કમીઓ અમારી તોય, ગુણગાન અમે ખુદનાં કરીએ
આચરણમાં કહીને ચૂક્યો, ઉપદેશ અન્યને ખૂબ આપીએ,
નફા-નુકસાનના સરવાળા સાથે, આખા જગને આંકીએ
પ્રભુ યાદ કરવાથી તને, થાય કામ અમારાં, તો યાદ તને કરીએ,
પ્રેમભર્યો પોકાર ભૂલી, સદા ફરિયાદ અમે તને કરીએ
આવી અવસ્થામાં તને પામીએ, તો કેમ કરી પામીએ.
- સંત શ્રી અલ્પા મા
vikārōmāṁ amē ramīē nē māyāmāṁ amē bhamīē
karavānuṁ tō kāṁī nahīṁ, nā karavānuṁ badhuṁ karīē,
thāya mana dhāryuṁ tō jīvanamāṁ, bē paga jamīna upara cālīē
nā thāya jyārē kāṁī, dōṣanuṁ ṭōpaluṁ tanē arpaṇa karīē,
jāṇīē kamīō amārī tōya, guṇagāna amē khudanāṁ karīē
ācaraṇamāṁ kahīnē cūkyō, upadēśa anyanē khūba āpīē,
naphā-nukasānanā saravālā sāthē, ākhā jaganē āṁkīē
prabhu yāda karavāthī tanē, thāya kāma amārāṁ, tō yāda tanē karīē,
prēmabharyō pōkāra bhūlī, sadā phariyāda amē tanē karīē
āvī avasthāmāṁ tanē pāmīē, tō kēma karī pāmīē.
|