કેમ સંભાળવા ને કેમ સમજાવવા, એ સમજાતું નથી, જાણ એની થાતી નથી
પ્રભુ તારા બનાવેલા માનવીને, તારા સિવાય કોઈ સંભાળી શકે એમ નથી
અન્યને સંભાળવા તો કઈ રીતે, જ્યાં ખુદ ને ખુદે હજી સંભાળ્યા નથી
મટી નથી ખુદની ગેરસમજ ત્યાં અન્યને, સાચી સમજની સમજદારી આપી શકાતી નથી
છે કોઈ ભોલા-ભાળા તો કોઈ કપટ-કંકાસ સિવાય કાંઈ જાણતા નથી
જાણવા કેમ બધાના ભાવોને, જ્યાં ખુદના ભાવોને જાણ્યા નથી
અટપટી ચાલે ચાલે છે સહુકોઈ, કોઈને કોઈની ચાલ સમજાતી નથી
ચાહે પ્રભુ તું તો પડે ખબર, બાકી તો કાંઈ સમજમાં આવતું નથી
પ્રભુ તારી લીલા છે કેવી કે માનવીના હૃદયના ભેદ કોઈ જાણી શકતું નથી
ચાલી રહ્યા છે બધા નવીનવી રાહ પર, સાચી મંઝિલની ઓળખ બધાને નથી
ભટકી રહ્યા છે સહુ કોઈ, આવશે અંત એનો ક્યારે એની જાણ કોઈને નથી
પામશે તારી કૃપા જ્યારે, પ્રભુ ત્યારે પામશે બધું, એના વિના પામવું કાંઈ શક્ય નથી
- સંત શ્રી અલ્પા મા
kēma saṁbhālavā nē kēma samajāvavā, ē samajātuṁ nathī, jāṇa ēnī thātī nathī
prabhu tārā banāvēlā mānavīnē, tārā sivāya kōī saṁbhālī śakē ēma nathī
anyanē saṁbhālavā tō kaī rītē, jyāṁ khuda nē khudē hajī saṁbhālyā nathī
maṭī nathī khudanī gērasamaja tyāṁ anyanē, sācī samajanī samajadārī āpī śakātī nathī
chē kōī bhōlā-bhālā tō kōī kapaṭa-kaṁkāsa sivāya kāṁī jāṇatā nathī
jāṇavā kēma badhānā bhāvōnē, jyāṁ khudanā bhāvōnē jāṇyā nathī
aṭapaṭī cālē cālē chē sahukōī, kōīnē kōīnī cāla samajātī nathī
cāhē prabhu tuṁ tō paḍē khabara, bākī tō kāṁī samajamāṁ āvatuṁ nathī
prabhu tārī līlā chē kēvī kē mānavīnā hr̥dayanā bhēda kōī jāṇī śakatuṁ nathī
cālī rahyā chē badhā navīnavī rāha para, sācī maṁjhilanī ōlakha badhānē nathī
bhaṭakī rahyā chē sahu kōī, āvaśē aṁta ēnō kyārē ēnī jāṇa kōīnē nathī
pāmaśē tārī kr̥pā jyārē, prabhu tyārē pāmaśē badhuṁ, ēnā vinā pāmavuṁ kāṁī śakya nathī
|