View Hymn (Bhajan)

Sr No. 490 | Date: 08-Nov-19931993-11-081993-11-08નથી રે સહેલું, નથી રે સહેલું, લાગે ભલેને સહેલું, કરવું છે ખૂબ અઘરુંSant Sri Apla Mahttps://www.mydivinelove.org/bhajan/default.aspx?title=nathi-re-sahelum-nathi-re-sahelum-lage-bhalene-sahelum-karavum-chhe-khubaનથી રે સહેલું, નથી રે સહેલું, લાગે ભલેને સહેલું, કરવું છે ખૂબ અઘરું

કરવો સ્વનો સ્વાહા નથી રે સહેલો, ચાલવું અંગારા પર નથી રે સહેલું

કરવું પ્રભુ સાથે સમર્પણ નથી રે સહેલું, અહંકારને મારવો નથી રે સહેલો

મોહ હટાવવા આ માયામાંથી નથી રે સહેલો, કરવા પ્રભુના દીદાર નથી રે સહેલા

ભાગ્યને જીતવું નથી રે સહેલું, ઘડવું નવું ભાગ્ય નથી રે સહેલું

છે કહેવું આ બધું રે સહેલું, કરવા પ્રયત્ન તો જીવનમાં નથી રે સહેલા

આપવી પોતાની કુરબાની નથી રે સહેલી, જીવનને જીવવા યોગ્ય બનાવવું નથી રે સહેલું

કરવો પ્રેમ જીવનમાં નથી રે સહેલો, નિભાવવો પ્રેમને નથી રે સહેલું

રૂઝાયેલા ઘા ને પોતાના હાથે દૂઝવવું નથી રે સહેલું, કરવી પીડા સહન નથી રે સહેલી

પ્રભુ દર્શન પામી પ્રભુમય જીવન બનાવવું નથી રે સહેલું, છે એ તો બહુ અઘરું
નથી રે સહેલું, નથી રે સહેલું, લાગે ભલેને સહેલું, કરવું છે ખૂબ અઘરું