View Hymn (Bhajan)

Sr No. 458 | Date: 26-Oct-19931993-10-261993-10-26સમજ સમજની સમજદારીની આ વાત છે, સાચી સમજની તો સૌને જરૂરિયાત છેSant Sri Apla Mahttps://www.mydivinelove.org/bhajan/default.aspx?title=sharuata-chhe-samaja-samajani-samajadarini-to-a-vata-chhe-sachi-samajaniસમજ સમજની સમજદારીની આ વાત છે, સાચી સમજની તો સૌને જરૂરિયાત છે

હોય ભલે કોઈ બેસમજ, બેસમજમાં પણ સમજ સમાય છે, આ તો એ સમજની વાત છે

નથી ડૂબવું કોઈને મઝધારમાં, સહુને કિનારાની તલાશ છે, આ તો સમજદારીની વાત છે

કોઈને થોડી તો કોઈને વધુ, પણ સહુનેતો એ જરૂરિયાત છે, જીવનની તો એ શરૂઆત છે

મેળવવા હશે જીવનમાં સુખ ને આનંદ, તો સાચી સમજની જરૂરિયાત છે

સમજદારીભર્યા વારથી, બચી જશો, તીક્ષ્ણ ધારથી મળી જાશે પ્યાર, સમજદારીની વાત છે

જીતી જાશો જગ તમે ખાલી હાથે, નહીં પડે જરૂર કોઈ હથિયારની, સમજદારીની વાત છે

નહીં બનો ભોગ તમે સંજોગોના વારથી, ઝૂકી જાશે એ તો સાચી સમજનું જ્યાં રાજ છે

વણનોતર્યા દુઃખથી દૂર રહેવા માટે, આ તો મોટો મંત્ર છે, સમજની તો સૌને જરૂરિયાત છે

વર્તન અને વિચારમાં જ્યાં વસી રે જાશે સમજ જો જીવનમાં, સફળ તમારો પુરુષાર્થ છે
સમજ સમજની સમજદારીની આ વાત છે, સાચી સમજની તો સૌને જરૂરિયાત છે