View Hymn (Bhajan)

Sr No. 445 | Date: 21-Oct-19931993-10-211993-10-21સુધરવા નીકળ્યા છીએ, અમે સુધરતા નથી (2)Sant Sri Apla Mahttps://www.mydivinelove.org/bhajan/default.aspx?title=sudharava-nikalya-chhie-ame-sudharata-nathi-sudharata-nathi-ame-to-nikalyaસુધરવા નીકળ્યા છીએ, અમે સુધરતા નથી (2)

સુધરતા-સુધરતા અધવચ્ચે રહી જઈએ છીએ, અમે સુધરતા નથી

સુધરતા-સુધરતા પાછા ત્યાં ના ત્યાં રહી જઈએ છીએ, અમે સુધરતા નથી

સુધરીએ ના સુધરીએ ત્યાં સુધરવાનો અહં હૈયે ચડી જાય છે, અમે સુધરતા નથી

નીકળ્યા છીએ પ્રભુના વિચારોમાં ડૂબવા, પણ અન્ય વિચારોમાં ડૂબી જઈએ છીએ, અમે સુધરતા નથી

ખાઈ માર સંજોગોનો, અમે એમાં ઝૂકી જઈએ છીએ, અમે સુધરતા નથી

એમાં ના આગળ કે ના પાછળ હટી શકીએ છીએ, અમે સુધરતા નથી

જગાવી ખોટા વિચારો હૈયે, મૂંઝવણમાં ડૂબી જઈએ છીએ, અમે સુધરતા નથી

બે રાહની વચ્ચે ઊભા રહી જઈએ છીએ, અમે સુધરતા નથી

પ્રેમની ભરતીથી ઘેરાવાને બદલે, ઇચ્છાઓના મોજામાં તણાતા જઈએ છીએ, અમે સુધરતા નથી

નાસમજમાં ગેરસમજ ઊભી કરીને, ના સાચી સમજણને સમજી શકીએ છીએ, અમે સુધરતા નથી

વિશ્વાસમાં તારા પ્રભુ, ઊભી કરીને શંકા, હતા ત્યાં ના ત્યાં રહી જઈએ છીએ, અમે સુધરતા નથી
સુધરવા નીકળ્યા છીએ, અમે સુધરતા નથી (2)