View Hymn (Bhajan)

Sr No. 1617 | Date: 22-Jul-19961996-07-221996-07-22ઊઠતી હરએક નજરમાં પ્રભુ, તારી નજરને હું શોધું છુંSant Sri Apla Mahttps://www.mydivinelove.org/bhajan/default.aspx?title=uthati-haraeka-najaramam-prabhu-tari-najarane-hum-shodhum-chhumઊઠતી હરએક નજરમાં પ્રભુ, તારી નજરને હું શોધું છું

તારી સંગ વીતી ગયેલી એ, મીઠી પળને પ્રભુ હું શોધું છું

તારા દીદારથી ખીલતા મારા, હૈયાની મસ્તીને હું શોધું છું

મારા હૈયામાં છુપાયેલા, તારા પ્રેમ ને પ્યારને હું શોધું છું

અદૃશ્યપણે જે રહે છે સદા સંગ મારી, એ દૃશ્યને હું શોધું છું

લઈ શકું તારું નામ સાચા દિલથી, એવી ક્ષણોને હું શોધું છું

તોડી દે જે મારાં બધાં રે બંધન, એવી આઝાદીને હું શોધું છું

મટી જાય જન્મોજન્મનાં દુઃખદર્દ, એવી દવાને હું શોધું છું

ચાલીચાલી ખૂબ થાકી ગયો છું આરામ માટે તારા ચરણ હું શોધું છું

છે રાહ તો નજર સામે ઘણી પ્રભુ, તને પામવાની રાહને હું શોધું છું
ઊઠતી હરએક નજરમાં પ્રભુ, તારી નજરને હું શોધું છું