View Hymn (Bhajan)
Sr No. 452 | Date: 23-Oct-19931993-10-231993-10-23વાતે-વાતે નિરાશામાં ડૂબવાવાળા, જોયા આ જગમાં ઝાઝાSant Sri Apla Mahttps://www.mydivinelove.org/bhajan/default.aspx?title=vate-vate-nirashamam-dubavavala-joya-a-jagamam-jajaવાતે-વાતે નિરાશામાં ડૂબવાવાળા, જોયા આ જગમાં ઝાઝા
નિરાશાનો નાશ કરી, કરતા રહ્યાં કામ, હૈયે ધરી આશા, એવા જોયા બહુ ઓછા
દુઃખથી ઘેરાઈને આંસુ સારતા જોયા આ જગમાં, એ તો બહુ ઝાઝા
દુઃખ ભૂલી પોતાનું, અન્યના દુઃખ દૂર કરતા, એવા હસતા ચહેરા જોયા બહુ ઓછા
સંજોગોથી ઝૂકેલા, માની હાર પીછેહઠ કરનારના નથી આ જગમાં તોટા
સંજોગોને ઝુકાવનારા, હિંમતથી સામનો કરનારા, જોયા મેં આ જગમાં બહુ ઓછા
શ્વાસે-શ્વાસે ઇચ્છાઓ જગાવનારા, જોયા આ જગમાં ઝાઝા
ઇચ્છાઓને મારી, શ્વાસે-શ્વાસે પ્રભુનું નામ સ્મરણ કરનારા, જોયા બહુ ઓછા
પ્રભુ તારા નામે મળી આવતા લોભી, ધુતારા બહુ રે ઝાઝા
સાચી ભક્તિ કરવાવાળા ભક્તજન, જોયા જગમાં બહુ ઓછા
વાતે-વાતે નિરાશામાં ડૂબવાવાળા, જોયા આ જગમાં ઝાઝા