View Hymn (Bhajan)

Sr No. 3602 | Date: 21-Aug-19991999-08-211999-08-21અભાવના પડછાયામાંથી બચવા ચાહીએ, અમે પણ બચી શક્તા નથી.Sant Sri Apla Mahttps://www.mydivinelove.org/bhajan/default.aspx?title=abhavana-padachhayamanthi-bachava-chahie-ame-pana-bachi-shakta-nathiઅભાવના પડછાયામાંથી બચવા ચાહીએ, અમે પણ બચી શક્તા નથી.

હૈયામાં છે અમુક ભાવ એવા, જે છૂટયા છૂટતા નથી

કરીએ છીએ કોશિશ અમે, એ ભાવોને મિટાવવાની, પણ સફળતા મળતી નથી

ક્ષણ બે ક્ષણ પછી તરતજ, એ ભાવ જાગ્યા વિના રહેતા નથી

હરી જાય છે હૈયાની શાંતિ અમારી, એમાં અમે બે મત નથી

અમારી જ ઇચ્છાઓને અમારા જ ભાવોને, શાંતિ અમારી પસંદ નથી

પછી એમ કહીએ અમે જીવનમાં કે, શાંતિ પચાવતા અમને આવડતી નથી

કરીએ કાર્ય એવા કે, અશાંતિને આમંત્રણ આપ્યા વિના રહેતા નથી

અશાંતિ વિના ચેનથી જીવતા અમને આવડતું નથી

પ્રભુ પામીએ ક્યાંથી શાંતિ કે, તને પળએક માટે પણ દિલથી યાદ કરતા નથી
અભાવના પડછાયામાંથી બચવા ચાહીએ, અમે પણ બચી શક્તા નથી.