View Hymn (Bhajan)

Sr No. 783 | Date: 02-Jun-19941994-06-021994-06-02અકારણસર ક્યારેક ઘટના એવી ઘટી જાય છે, મન વિચાર ને વિચાર કરતો રહી જાય છેSant Sri Apla Mahttps://www.mydivinelove.org/bhajan/default.aspx?title=akaranasara-kyareka-ghatana-evi-ghati-jaya-chhe-mana-vichara-ne-vicharaઅકારણસર ક્યારેક ઘટના એવી ઘટી જાય છે, મન વિચાર ને વિચાર કરતો રહી જાય છે

આશ્ચર્યભરી એ મુદ્રા મુખ પર છવાઈ જાય છે - મન...

મળી જાય છે કાંઈક એવું જીવનમાં વિના મૂલ્યે, જે મૂલ્યથી પણ ખરીદી ના શકાય છે

દિલ તો ખુશીથી પાગલ થઈ જાય છે - મન...

અણધાર્યું કાંઈ કાજ ક્ષણભરમાં જ્યાં પૂર્ણ થઈ જાય છે - મન...

ગણતરી ના હોય જેની, વર્તન ક્યારે કોઈનું એવું થઈ જાય છે - મન...

રગેરગમાં વહેતો હોય પ્રેમ જેનો, નફરત એના કાજે જ્યાં જાગી જાય છે - મન...

હસતા હસાવતા ચહેરાનું હાસ્ય, અચાનક બંધ જ્યાં થઈ જાય છે - મન...

હોય છે જે પોતાના ને પરાયા, વર્તન એમનું પારકા જેવું થઈ જાય છે - મન...

અકારણ સર્જાયેલી ઘટનાનું કારણ મળી જ્યાં છે, મન ત્યાં શાંત થઈ જાય છે
અકારણસર ક્યારેક ઘટના એવી ઘટી જાય છે, મન વિચાર ને વિચાર કરતો રહી જાય છે