View Hymn (Bhajan)

Sr No. 4595 | Date: 22-Apr-20172017-04-222017-04-22ભૂલ્યો તારું આદી ને ભૂલ્યો તારો અંત, પકડ્યા જ્યાં ખોટા તંતSant Sri Apla Mahttps://www.mydivinelove.org/bhajan/default.aspx?title=bhulyo-tarum-adi-ne-bhulyo-taro-anta-pakadya-jyam-khota-tantaભૂલ્યો તારું આદી ને ભૂલ્યો તારો અંત, પકડ્યા જ્યાં ખોટા તંત

ભ્રમણા મટી ના ત્યાં સુધી, ના ટળ્યા ભવના ફેરા, ના આવ્યો કોઈ અંત

પામી ના શક્યો પહેચાન ખુદની સાચી, જ્યાં સુધી ના છોડ્યા ખોટા તંત

તર્ક-વિતર્કમાં વીત્યો સમય ને વીત્યા જન્મારા, ના આવ્યો કોઈ અંત

આકારો ને વિકારોની ભ્રમણામાં રહ્યો ભમતો, તોય ના છોડ્યા ખોટા તંત

અસ્તિત્વ વિનાનું અસ્તિત્વ ભૂલ્યો, ને ભૂલ્યો છે તું તો અનંત

પલછીનના પ્રવાહમાં રહીને, જગાડતો ને જગાડતો રહ્યો ખોટા તરંગ

ભારે ભરખમ થઈને ફર્યો જગમાં તું, ભૂલ્યો તું જીવનના ઉમંગ

કુબુદ્ધિ ને દૂર્બુદ્ધિએ જોર પકડ્યું જ્યાં મળ્યા જીવનમાં કોઈ સંત

મારવા બેઠો ખોટી બડાશ ખુદની, ના છોડ્યા ત્યાં પણ ખુદના તંત

ભૂલ્યો તારું આદી ને ભૂલ્યો તારો અંત, પકડ્યા જ્યાં ખોટા તંત
Bhulyo tarum adi ne bhulyo taro anta, pakadya jyam khota tanta