View Hymn (Bhajan)

Sr No. 2142 | Date: 28-May-19971997-05-281997-05-28દિવસો વીતે છે જિંદગી ઘટે છે, એ વાતની તને જાણ છેSant Sri Apla Mahttps://www.mydivinelove.org/bhajan/default.aspx?title=divaso-vite-chhe-jindagi-ghate-chhe-e-vatani-tane-jana-chheદિવસો વીતે છે જિંદગી ઘટે છે, એ વાતની તને જાણ છે

વિતેલૂ પળો નથી મળવાની તને, એ વાતથી ના તું અજાણ છે

તો જીવનને તારા તું વ્યર્થ ગુમાવે છે શાને, તું વ્યર્થ શાને વિતાવે છે

છોડી ને ખુદના દિલને, અન્યનું દિલ શાને તું બહેલાવે છે

ખોટી ખુશામતમાં તારા, જીવનની બલી તું કેમ આપે છે

સગાસંબંધી કે કુટુંબકબીલા, નથી કોઈ તારી સાથે આવવાના

તોય રાત દિન તું, એ જ ચિંતા ને એની જ વ્યાધિ કરતો જાય છે

છે સમજ તને થોડી તોય, કેમ જીવનની બાજી વ્યર્થ ગુમાવતો જાય છે

હસવું કે રડવું તારી આ વાત પર, ના એ તો ક્યારેય સમજાય છે

રાહ પર ચાલવામાં એવો મશગૂલ થઇ જાય છે, કે મંજિલને ભૂલી જાય છે

રહ્યું ભટકવું તો તારા હાથમાં પછી, તો તું શાને એનાથી તંગ આવી જાય છે
દિવસો વીતે છે જિંદગી ઘટે છે, એ વાતની તને જાણ છે