દુઃખી નથી હું, તોય ખુદને દુઃખી ગણી રહ્યો છું
લઈને સહારો દુઃખનો, છું દુઃખી, એવું હું કહેતો રહ્યો છું
મારી સમજશક્તિને, દિવસે-દિવસે, હું ખોઈ રહ્યો છું
જીવનમાં પડછાયા પાછળ હું દોડી રહ્યો છું
શરૂઆતથી અંત સુધી, મંત્ર એક જ જપતો રહ્યો છું
દુઃખી છું, દુઃખી છું, એના સિવાય ના કાંઈ હું બોલ્યો છું
સમજદારીને ના સમજી, વચ્ચે ભેદ સદા ઊભો કરતો રહ્યો છું
જીવનના સાગરમાં આવતા, પૂરોમાં તણાતો રહ્યો છું
સુખને જોવા, સુખની તમન્નામાં, હું ભટકી રહ્યો છું
આવે જે કાંઈ સામે, સમજીને દુઃખ, એને આવકારી રહ્યો છું
દુઃખનો સહારો લઈને, સુખી થવા હું નીકળ્યો છું
- સંત શ્રી અલ્પા મા
duḥkhī nathī huṁ, tōya khudanē duḥkhī gaṇī rahyō chuṁ
laīnē sahārō duḥkhanō, chuṁ duḥkhī, ēvuṁ huṁ kahētō rahyō chuṁ
mārī samajaśaktinē, divasē-divasē, huṁ khōī rahyō chuṁ
jīvanamāṁ paḍachāyā pāchala huṁ dōḍī rahyō chuṁ
śarūātathī aṁta sudhī, maṁtra ēka ja japatō rahyō chuṁ
duḥkhī chuṁ, duḥkhī chuṁ, ēnā sivāya nā kāṁī huṁ bōlyō chuṁ
samajadārīnē nā samajī, vaccē bhēda sadā ūbhō karatō rahyō chuṁ
jīvananā sāgaramāṁ āvatā, pūrōmāṁ taṇātō rahyō chuṁ
sukhanē jōvā, sukhanī tamannāmāṁ, huṁ bhaṭakī rahyō chuṁ
āvē jē kāṁī sāmē, samajīnē duḥkha, ēnē āvakārī rahyō chuṁ
duḥkhanō sahārō laīnē, sukhī thavā huṁ nīkalyō chuṁ
|