View Hymn (Bhajan)

Hymn No. 920 | Date: 13-Aug-19941994-08-131994-08-13ગોતીશ જ્યાં આશરો બહાર ત્યાં, નિરાશ થયા વિના તું રહેવાનો નથીSant Sri Apla Mahttps://www.mydivinelove.org/bhajan/default.aspx?title=gotisha-jyam-asharo-bahara-tyam-nirasha-thaya-vina-tum-rahevano-nathiગોતીશ જ્યાં આશરો બહાર ત્યાં, નિરાશ થયા વિના તું રહેવાનો નથી

લઈ અંતરનો સંગ ને સાથ, નિરાશ થવાની પાળી ક્યારેય આવવાની નથી

લઈ બહારના આધાર, જ્યાં સુધી એકલતા તારી ત્યાં મટવાની નથી

જીવીશ અંતરના આધારે એકલો તું, જીવનમાં ક્યારેય પડવાનો નથી

સજી સોળશણગાર પૂજીશ પ્રભુને, પ્રભુ એથી કાંઈ રીઝવાના નથી

હૈયામાં હશે જો પ્રેમ પ્રભુ પાસે, આવ્યા વિના રહેવાના નથી

શોધીશ જ્યાં સુધી હાસ્યનો આધાર બહાર, ત્યાં સુધી તું હસી શકવાનો નથી

અંતરના આનંદમાં ડૂબીશ જ્યાં, હાસ્ય તારું ત્યાં કાંઈ રોકી શકવાનો નથી

માંગીશ જ્યાં સુધી સુખ તું અન્ય પાસે, સુખી ત્યાં સુધી તું થવાનો નથી

કરીશ ભક્તિ પ્રભુની જ્યારે, પાસે આવ્યા વિના એ રહેવાનો નથી
ગોતીશ જ્યાં આશરો બહાર ત્યાં, નિરાશ થયા વિના તું રહેવાનો નથી