View Hymn (Bhajan)

Sr No. 3637 | Date: 11-Sep-19991999-09-111999-09-11ઝરણાએ છેડી દીધી છે સરગમ, અરે વાદળીઓએ દીધો છે તાલSant Sri Apla Mahttps://www.mydivinelove.org/bhajan/default.aspx?title=jaranae-chhedi-didhi-chhe-saragama-are-vadalioe-didho-chhe-talaઝરણાએ છેડી દીધી છે સરગમ, અરે વાદળીઓએ દીધો છે તાલ

વીજળી એ પૂર્યા છે એમાં ચમકાર, આવો રે આવો તમે મારા શામળિયા સરકાર

શ્વાસોમાં આજ અમારા, અલખનો ગુંજી રહ્યો છે તાલ

ના કરાવો હવે વધું તમે અમને ઈંતઝાર, કે આવો રે આવો મારા શામળિયા સરકાર

અણુએ અણુમાંથી આજ ગુંજી રહ્યું છે સંગીત, આવું રે મારા મનમીત

ગાઈએ આજ આપણે પ્યાર ભર્યું એક ગીત, કે સમાએ છેડી દીધું છે સંગીત

ઝૂમી રહ્યો છે સમા પૂરો, ને ઝૂમી રહ્યાં છે એમાં, અમારા તન મનના રે તાર

આવી જાઓ પ્રેમથી વાલા સાંભળીને, આજ અમારી પ્યારી પોકાર

આવવું તો પડશે તમને પાસે અમારી, ના આપો મજબૂરીનું તમે રે નામ

કે ઝૂમવા થઈ જાઓ તૈયાર, ઓ મારા શામળિયા સરકાર

ઝરણાએ છેડી દીધી છે સરગમ, અરે વાદળીઓએ દીધો છે તાલ
Jaranae chhedi didhi chhe saragama, are vadalioe didho chhe tala