View Hymn (Bhajan)

Sr No. 1544 | Date: 07-Jun-19961996-06-071996-06-07કરે છે શરારત તું એવી, કે તારી સંગ ઝઘડવાનું મન થાય છેSant Sri Apla Mahttps://www.mydivinelove.org/bhajan/default.aspx?title=kare-chhe-shararata-tum-evi-ke-tari-sanga-jaghadavanum-mana-thaya-chheકરે છે શરારત તું એવી, કે તારી સંગ ઝઘડવાનું મન થાય છે

પણ આવે છે નજર સામે રે જ્યાં તું, ત્યાં ઝઘડો ભુલાઈ રે જાય છે

પ્રભુ, છે તું એટલો મીઠો, કે તારી મીઠાશથી મન મારું શાંત થઈ જાય છે

હસતો ને મલકાતો આવે છે જ્યાં તું સામે, ત્યાં બધું ભુલાઈ જાય છે

થાય છે તો ત્યારે, બસ તને પ્યાર ને પ્યાર કરવાનું મન થાય છે

છે શું દિલમાં, હતું શું રે દિલમાં, કરવું હતું રે શું, એ બધું ભુલાઈ જાય છે

યાદ-ફરિયાદ બધી રે ભૂલી, ભાન ખુદનું પણ વિસરાય છે

બધાં રે રિસામણાં રે મારાં, પળ એકમાં ભૂલી રે જવાય છે

કહેવું હોય છે ઘણું રે તને, પણ શબ્દ એક ભી ના બોલાય છે

છે શરારત તારી રે એવી, કે જેમાં મન મારું મૂંઝાતું ને મૂંઝાતું જાય છે

કરવું હોય છે કાંઈ, ને કાંઈ કરતો એ થઈ જાય છે

તારી મીઠાશની આગળ, સઘળી કડવાશ એ ભૂલી જાય છે
કરે છે શરારત તું એવી, કે તારી સંગ ઝઘડવાનું મન થાય છે