View Hymn (Bhajan)

Hymn No. 2618 | Date: 01-Sep-19981998-09-011998-09-01ખૂબસૂરતીના ખરીદારોની કમી નથી જગમાં, પણ ખૂબસૂરતીને ખીલાવવાવાળો એ એક છેSant Sri Apla Mahttps://www.mydivinelove.org/bhajan/default.aspx?title=khubasuratina-kharidaroni-kami-nathi-jagamam-pana-khubasuratine-khilavavavaloખૂબસૂરતીના ખરીદારોની કમી નથી જગમાં, પણ ખૂબસૂરતીને ખીલાવવાવાળો એ એક છે

કોમળતાનો સંગ ચાહનારાઓની કમી નથી આ જગમાં, પણ કોમળતા જન્માવનારો એ એક છે

ભોગ ભોગવવાવાળાઓની કમી નથી આ જગમાં, પણ નિર્મળ યોગી તો એ એક જ છે

નષ્ટ કરવાવાળાઓ તો છે સહુ કોઈ અહિંયા, પણ સર્જન કરનાર તો એ એક જ છે

હરએક દિલમાં જાગે છે ખ્વાઈશો, એ ખ્વાઈશોને ખીલવનારો તો એ એક જ છે

દીવાનગીના ચાહનારાઓ તો છે બધા, આ જગમાં પણ દીવાનગીમાં ફના થનારો એ એક જ છે

લેવાવાળાઓ છે બધા તો આ જગમાં, પણ આપવાવાળો તો એ એક જ છે

ચાહતોના સૌદાગર છે અહીં સહુ કોઈ, પણ ચાહતમાં રાહત આપનારો તો એ એક જ છે

કરે છે સહુ કોઈ આ અહેસાસ, તોય કોણે કર્યા એ વિચાર, કે કોણ છે

જાણ્યું જેણે એને એણે કહ્યું કે છે એ મનનો મીત, તો કોઈએ કહ્યું એ છે ચિત્તનો ચોર છે
ખૂબસૂરતીના ખરીદારોની કમી નથી જગમાં, પણ ખૂબસૂરતીને ખીલાવવાવાળો એ એક છે