View Hymn (Bhajan)

Sr No. 907 | Date: 01-Aug-19941994-08-011994-08-01ક્યારેક જિતતો તો ક્યારેક હારતો હું જાઉં છું, જીવનની સફરમાં ચાલતો ને ચાલતો જાઉં છુંSant Sri Apla Mahttps://www.mydivinelove.org/bhajan/default.aspx?title=kyareka-jitato-to-kyareka-harato-hum-jaum-chhum-jivanani-sapharamam-chalatoક્યારેક જિતતો તો ક્યારેક હારતો હું જાઉં છું, જીવનની સફરમાં ચાલતો ને ચાલતો જાઉં છું

આગળ વધતો ને વધતો હું જાઉં છું, જીવન મારું ઘટતું ને ઘટતું હું જોઉં છું

ક્યારેક જિતની આશામાં તો ક્યારેક હારની નિરાશામાં, ડૂબતો જાઉં છું

ક્યારેક સમયની સાથે તો ક્યારેક સમય પાછળ, ભાગતો જાઉં છું

જીવનના અનેક રંગો ના દર્શન હું કરતો જાઉં છું, આગળ વધતો ને વધતો હું જાઉં છું

આગળ વધવામાં પીછેહઠ કેટલી હું કરતો જાઉં છું, બેખબર રહી ચાલતો જાઉં છું

ક્યારેક સલામત બનીને તો ક્યારેક ઝખમી બની, હું હસતો રડતો જાઉં છું

ક્યારેક દુઃખ તો ક્યારેક સુખને ગળે લગાવીને, રમત રમતો હું જાઉં છું

ખુલ્લી તલવારની ધાર પર હું ચાલતો ને ચાલતો જાઉં છું

ક્યારેક આંસુના સમુદ્રમાં સ્નાન કરી, તો ક્યારેક હાસ્યના ફુવારાથી ભીંજાઈ જાઉં છું

મકસદને પહોંચવા કાજે જીવનમાં, હું આગળ વધતો ને વધતો જાઉં છું
ક્યારેક જિતતો તો ક્યારેક હારતો હું જાઉં છું, જીવનની સફરમાં ચાલતો ને ચાલતો જાઉં છું