View Hymn (Bhajan)

Sr No. 2164 | Date: 23-Jun-19971997-06-231997-06-23મારા મનના ઘોડલાની લગામ પ્રભુ, તમારા હાથમાં રે લેજો એને જરા થામવાનું કહેજોSant Sri Apla Mahttps://www.mydivinelove.org/bhajan/default.aspx?title=mara-manana-ghodalani-lagama-prabhu-tamara-hathamam-re-lejo-ene-jara-thamavanumમારા મનના ઘોડલાની લગામ પ્રભુ, તમારા હાથમાં રે લેજો એને જરા થામવાનું કહેજો

દોડતા ભાગતા એની પાછળ હું થાકી ગયો છું ખૂબ, હવે તમે મને જરા વિષામો લેવા રે દેજો

માન્યું અર્જુન જેટલી યોગ્યતા નથી મારામાં, પણ કૃષ્ણ તમે મારા કૃષ્ણ રે રહેજો

તમારી ચરણરજથી રહ્યો છું વંચિત, એને તમે હવે વધારે વંચિત ના રાખજો

સંભાળી લેજો એને પૂર્ણપણે, પૂરી સારસંભાળ એની તમે રાખજો

ખોટી રાહો ને ખોટા ખ્યાલોમાં, તમે વધારે એને ભમવા ના દેજો

અત્યાર સુધી કર્યા છે એણે વ્યર્થ કાર્ય, ઘણું કાંઇક સતકાર્ય તમે કરાવજો

પ્રભુ ના છોડજો કદીય મારા મનના ઘોડલાની લગામ, સદા તમારા હાથમાં રાખજો

પ્રભુ ચાહું છું હું બધા બંધનથી મુક્તિ, મને જરા તમે સાચી રાહ દેખાડજો

પ્રભુ ચાહું છું હું તમારું શરણ, મને તમે સદા તમારા ચરણમાં રાખજો

મારા મનના ઘોડલાની લગામ પ્રભુ, તમારા હાથમાં રે લેજો એને જરા થામવાનું કહેજો
Mara manana ghodalani lagama prabhu, tamara hathamam re lejo ene jara thamavanum kahejo