View Hymn (Bhajan)

Sr No. 3271 | Date: 28-Feb-19991999-02-281999-02-28નજર નજરમાં છો તમે, નજરમાં અમારી તમે કરજો વાસSant Sri Apla Mahttps://www.mydivinelove.org/bhajan/default.aspx?title=najara-najaramam-chho-tame-najaramam-amari-tame-karajo-vasaનજર નજરમાં છો તમે, નજરમાં અમારી તમે કરજો વાસ

કરશો વાસ તમે અમારામાં, તો પ્રણામ અમારા લેખે લાગશે

જીવન અમારું જીવંત પ્રવાહથી તાજું થઈ જાશે

કે હરપળ ને હરક્ષણ જીવવાની, મજા અમને આવી જાશે

મળી જાય સફળતા જો આમાં, તો જીવન સફળ થઈ જાશે

કે જીવનમાં કરેલા પૂજન ને અર્ચન લેખે લાગી જાશે

હૈયાના દુઃખ દર્દને ભૂલવામાં, ના અમને વાર લાગશે

તન મન પર અમારા, તમારું સંગીત લહેરાતું રહેશે

આનંદ રહેશે જ્યાં નજરમાં, તો હૈયામાં એની અનુભૂતિ રહેશે

હરએક નજરમાં તમારા દર્શન, અમને તો મળતા રહેશે
નજર નજરમાં છો તમે, નજરમાં અમારી તમે કરજો વાસ