View Hymn (Bhajan)

Hymn No. 1851 | Date: 02-Nov-19961996-11-021996-11-02નવી નવી ઇચ્છાઓને જગાવી ઇચ્છાઓમાં જ રમનારા પ્રભુને ક્યાંથી પામી શકેSant Sri Apla Mahttps://www.mydivinelove.org/bhajan/default.aspx?title=navi-navi-ichchhaone-jagavi-ichchhaomam-ja-ramanara-prabhune-kyanthi-pamiનવી નવી ઇચ્છાઓને જગાવી ઇચ્છાઓમાં જ રમનારા પ્રભુને ક્યાંથી પામી શકે

કપડા નીચેના નગ્ન તનને જોનારા, મનના સૂક્ષ્મ તાર સુધી ક્યાંથી પહોંચી શકે

લોભમોહમાં જે ફસાયા, એ નિર્મળતાનો અહેસાસ ક્યાંથી માણી શકે

સ્વાર્થમાં ને સ્વાર્થમાં વિતાવે જે જિંદગી, એ નિ:સ્વાર્થતાને ક્યાંથી પામી શકે

ના ઓળખ્યો હોય જેણે ખુદને પૂરો, એ અન્યને કઈ રીતે ઓળખી શકે

હૈયામાં ચિંતાના ધબકારા ધબકતા હોય, એ શાંતિથી ક્યાંથી જીવી શકે

તનના આકર્ષણમાં જે આકર્ષાયા, એ આત્માના ગુણ ક્યાંથી જાણી શકે

તારા-મારામાં જે રહે રચતા ને પચતા, એ સર્વસ્વ પ્રભુને અર્પણ ક્યાંથી કરી શકે

શ્વાસેશ્વાસે જે કરે પરનિંદા, એ આત્માનિરીક્ષણ ક્યાંથી કરી શકે

દુઃખદર્દની સંગ રહેવું હોય જેણે, આનંદની મોજ ક્યાંથી માણી શકે
નવી નવી ઇચ્છાઓને જગાવી ઇચ્છાઓમાં જ રમનારા પ્રભુને ક્યાંથી પામી શકે