પામ્યા જે પ્રભુ તારા પ્રેમને, એ તો બધું જ પામી જાય છે
સફળતા ને નિષ્ફળતા તો, ત્યાં પાછળ રહી જાય છે
હારજીતના દાવા બધા, ત્યાં તો વીસરાઈ જાય છે
પ્રેમથી તો પ્રાણનું સંચારણ થાય છે, પ્રેમે જ બધું પમાય છે
પ્રેમથી ભેદભાવ સઘળા મટી જાય છે, પ્રેમે જ બધું પમાય છે
ઊંચનીચના બાંધ સઘળા, પ્રેમ તો ક્ષણમાં તોડી જાય છે
મળે જ્યાં આવો પ્રેમ પ્રભુ પણ, ત્યાં દોડી દોડી જાય છે
પ્રેમથી જગત પમાય છે, પ્રેમથી જગત વીસરાય છે
પ્રેમથી અસ્તિત્વની પ્રાપ્તિ થાય છે, પ્રેમથી જાત વીસરાય છે
પ્રેમ સઘળાં બંધનથી મુક્ત કરી જાય છે, પ્રેમ નવચેતન આપી જાય છે
પ્રેમ જ તો અનેકતામાંથી, એકતાના રંગે રંગી જાય છે
પ્રેમ પ્રગટે છે જ્યારે ધરતી પર, ત્યારે બધા જોતા રહી જાય છે
ના રોકી શકે એને કોઈ, પછી ભલેને જગ આખું એક તરફ થાય છે
મીરા નાચી, નરસૈયો નાચ્યો, સૂરદાસ જ્યાં એમાં સમાયો
પ્રગટ્યું એક તેજ એવું, જે આજે પણ ગવાય છે
એકાકારના જોડાય જ્યાં તાર, ત્યાં વેદ-વહેમ બધા મટી જાય છે
તાતા થૈયા કરતાં કરતાં, પ્રભુ પણ ભક્ત સંગ રમવા આવી જાય છે
ભૂલી જવાય છે જ્યાં અસ્તિત્વ, ત્યાં બાકી શું રહી જાય છે
પ્રેમે જ બધું પમાય છે, પ્રેમે જ બધું પમાય છે
- સંત શ્રી અલ્પા મા
pāmyā jē prabhu tārā prēmanē, ē tō badhuṁ ja pāmī jāya chē
saphalatā nē niṣphalatā tō, tyāṁ pāchala rahī jāya chē
hārajītanā dāvā badhā, tyāṁ tō vīsarāī jāya chē
prēmathī tō prāṇanuṁ saṁcāraṇa thāya chē, prēmē ja badhuṁ pamāya chē
prēmathī bhēdabhāva saghalā maṭī jāya chē, prēmē ja badhuṁ pamāya chē
ūṁcanīcanā bāṁdha saghalā, prēma tō kṣaṇamāṁ tōḍī jāya chē
malē jyāṁ āvō prēma prabhu paṇa, tyāṁ dōḍī dōḍī jāya chē
prēmathī jagata pamāya chē, prēmathī jagata vīsarāya chē
prēmathī astitvanī prāpti thāya chē, prēmathī jāta vīsarāya chē
prēma saghalāṁ baṁdhanathī mukta karī jāya chē, prēma navacētana āpī jāya chē
prēma ja tō anēkatāmāṁthī, ēkatānā raṁgē raṁgī jāya chē
prēma pragaṭē chē jyārē dharatī para, tyārē badhā jōtā rahī jāya chē
nā rōkī śakē ēnē kōī, pachī bhalēnē jaga ākhuṁ ēka tarapha thāya chē
mīrā nācī, narasaiyō nācyō, sūradāsa jyāṁ ēmāṁ samāyō
pragaṭyuṁ ēka tēja ēvuṁ, jē ājē paṇa gavāya chē
ēkākāranā jōḍāya jyāṁ tāra, tyāṁ vēda-vahēma badhā maṭī jāya chē
tātā thaiyā karatāṁ karatāṁ, prabhu paṇa bhakta saṁga ramavā āvī jāya chē
bhūlī javāya chē jyāṁ astitva, tyāṁ bākī śuṁ rahī jāya chē
prēmē ja badhuṁ pamāya chē, prēmē ja badhuṁ pamāya chē
|