View Hymn (Bhajan)

Sr No. 2560 | Date: 10-Aug-19981998-08-101998-08-10પ્રભુ તારા પ્રેમના વરસાદથી ધોવાઈ જાય મારા મનની મલિનતા તો બસ છેSant Sri Apla Mahttps://www.mydivinelove.org/bhajan/default.aspx?title=prabhu-tara-premana-varasadathi-dhovai-jaya-mara-manani-malinata-to-basaપ્રભુ તારા પ્રેમના વરસાદથી ધોવાઈ જાય મારા મનની મલિનતા તો બસ છે

કઠોર સંજોગોની વચ્ચે જળવાઈ રહે, હૈયાની કોમળતા તો બસ છે

ચાહે કરે કોઈ કેવો વર્તાવ, જળવાઈ રહે મારા હોઠ પર ધૈર્યની મીઠાસ, તો બસ છે

શિકાયતોની ના થાય અસર મને, દિલમાં રહે પ્રભુ તારી ધૂન તો બસ છે

કરવાનું છે જીવનમાં ઘણું ઘણું, જે કામ લઉં હાથમાં એ પુરું કરું તો બસ છે

ઇચ્છાઓની તો ક્યાં વાત કરવી, જીવનમાં ઇચ્છાઓની પાછળ ના દોડું તો બસ છે

દર્દની દાસ્તા છે મોટી ઘણી, જીવનમાં સહનશક્તિ વધારી શકું તો બસ છે

ભૂલીને ભાન જીવનનું, ભૂલીને બધું રહું પ્રભુ તુજમાં મસ્ત તો બસ છે

પ્રભુ તારા ભક્તિના રંગમાં રંગાઈને, જીવું હું જીવન તો બસ છે
પ્રભુ તારા પ્રેમના વરસાદથી ધોવાઈ જાય મારા મનની મલિનતા તો બસ છે