View Hymn (Bhajan)

Hymn No. 3085 | Date: 19-Dec-19981998-12-191998-12-19રાખવું નથી જીવનમાં કાંઈ અધૂરું તો અમારે (2)Sant Sri Apla Mahttps://www.mydivinelove.org/bhajan/default.aspx?title=rakhavum-nathi-jivanamam-kami-adhurum-to-amareરાખવું નથી જીવનમાં કાંઈ અધૂરું તો અમારે (2)

ચાલ્યા છીએ જ્યાં પૂર્ણતાની રાહે, રાખવું નથી જીવનમાં કાંઈ અધૂરું તો અમારે

ચાહીએ છીએ ખોવાવા જીવનમાં, તો ખોવાવું નથી જીવનમાં અધૂરું અમારે

ક્ષણ બે ક્ષણના મિલન હૈયાને હવે નથી ખપતા, બેસી રહીશું અમે સદા તમારી આંખોની સામે

રહેવા ના દેશું અધૂરપ અમે અમારા પ્રેમમાં, તાણી લેશું તમને તો પૂરેપૂરા

વિચારોની નિંદ્રા ના છોડશું અધૂરી, તો અમે નિંદ્રામાં પણ સમાવીશું તમને અમે પૂરેપૂરા

કરશું ના વાતો અમે હૈયાની અધૂરી ને અધૂરી, કરશું હૈયાની વાતો પૂરી

કર્યું છે નક્કી પહોચવું મંજિલે, રહેવા ના દેશું અમે અમારી મંજિલને

બેઠા છીએ મેળવવા શાંતિ પ્રભુ તારા ચરણમાં, રહેવાના દેશું જીવનમાં શાંતિ અમે અધૂરી

પૂર્ણતાની રાહે ચાલ્યા છીએ કે કરવું છે હવે બધું પૂરું ને પૂરું, રાખવાનું નથી કાંઈ અધૂરું
રાખવું નથી જીવનમાં કાંઈ અધૂરું તો અમારે (2)