View Hymn (Bhajan)

Sr No. 3612 | Date: 25-Aug-19991999-08-251999-08-25તારી કૃપાના દર્શન કરવા કદમ, મારા આગળ વધી રહ્યાં છે.Sant Sri Apla Mahttps://www.mydivinelove.org/bhajan/default.aspx?title=tari-kripana-darshana-karava-kadama-mara-agala-vadhi-rahyam-chheતારી કૃપાના દર્શન કરવા કદમ, મારા આગળ વધી રહ્યાં છે.

હરેક દૃશ્યમાં જોવી છે તારી કૃપા, કે નયનો આતુર એના કાજે છે.

જીવનની કશ્મકશમાં ના હવે મારે ક્યાંય ખોવાઈ જાવું છે.

હોય કેવી પણ હાલત, મને તો તારી કૃપાને વરસતી જોવી છે.

ક્ષણ એક કાજે પણ જીવવું નથી, તારી કૃપા વિના એ નિર્ણય કર્યો છે.

વરસે છે તારી કૃપા તો સદા, બસ એને મારા દિલમાં સમાવવી છે.

મારી શાંતિ ને મારી સલામતી માટે, આ કરવું જરૂરી છે.

તારી કૃપાથી થાય છે બધું જીવનમાં, એને કહેવાની ના જરૂરત છે.

હકિકતોમાં જે હકીકત છે, એનો સ્વીકાર મારે કરવો છે.

તારી સંગ તારી સાથે મને, તારી જીવનયાત્રા કરવી છે.

તારી કૃપાના દર્શન કરવા કદમ, મારા આગળ વધી રહ્યાં છે.
Tari kripana darshana karava kadama, mara agala vadhi rahyam chhe.