View Hymn (Bhajan)

Sr No. 4794 | Date: 24-Feb-20192019-02-242019-02-24વિકારો ને વિચારોમાં જ્યાં જીવ રમે છે, ત્યાં જીવનની મહત્ત્વતા ના સમજે છેSant Sri Apla Mahttps://www.mydivinelove.org/bhajan/default.aspx?title=vikaro-ne-vicharomam-jyam-jiva-rame-chhe-tyam-jivanani-mahattvata-na-samajeવિકારો ને વિચારોમાં જ્યાં જીવ રમે છે, ત્યાં જીવનની મહત્ત્વતા ના સમજે છે

અહંકારવશ જ્યાં જીવન જીવે છે, ત્યાં અસ્તિત્વ પ્રભુનું ક્યાં સ્વીકારે છે

અવગુણોના આડંબરમાં રાચતો જીવ, સદ્ગુણોની સરળતા ના સમજે છે

સ્વાર્થના રંગે રંગાયેલા જીવ પર, નિ:સ્વાર્થતાના રંગ તો ના ચડે છે

પોતાની સમજને જ સમજે સાચી, ત્યાં સાચી સમજને ના એ સ્વીકારે છે

માયામાં મસ્ત થનારો જીવ, પ્રભુને ક્યાં પોકારે છે

સુખનાં સમણાંમાં ખોવાયેલો, સંગીતને ક્યાં પહેચાને છે

આવે લેવામાં જ મઝા જેને જીવનમાં, ક્યાં કોને કાંઈ દઈ શકે છે

લોખંડ પર સોનાનું પાણી ચડાવવાથી, લોખંડ ક્યાં સોનું બને છે

વિકારો ને વિચારોમાં જ્યાં જીવ રમે છે, ત્યાં જીવનની મહત્ત્વતા ના સમજે છે
Vikaro ne vicharomam jyam jiva rame chhe, tyam jivanani mahattvata na samaje chhe