View Hymn (Bhajan)

Sr No. 456 | Date: 25-Oct-19931993-10-251993-10-25કરું ઇનકાર કે કરું એકરાર, કરું શું હું એ સમજાતું નથીSant Sri Apla Mahttps://www.mydivinelove.org/bhajan/default.aspx?title=karum-inakara-ke-karum-ekarara-karum-shum-hum-e-samajatum-nathi-karayaકરું ઇનકાર કે કરું એકરાર, કરું શું હું એ સમજાતું નથી

કરાય ક્યારે કેમ, ખબર એની પડતી નથી

ઇનકાર કરવાનો હોય છે ત્યારે, એકરાર થયા વિના રહેતો નથી

કરવો હોય છે એકરાર ત્યારે, ઇનકાર થયા વિના રહેતો નથી

ઊભા થઈ જાય છે ત્યારે એવા ગડબડગોટાળા, કે થયા વિના તકરાર રહેતી નથી

છે કિંમત તો સમયની, સમય પર કહું શું કે કરું શું, ખબર એની પડતી નથી

થઈ જાય છે ખોટા ફેંસલા એવા, કે એમાં આંખ મારી રડ્યા વિના રહેતી નથી

ના બોલવું હોય છે કાંઈ પણ, આદત મને મજબૂર કર્યા વિના રહેતી નથી

હવામાં ઊડતું મુક્ત પંખી આખર, મજબૂરીથી ઘેરાઈ શિકાર થયા વિના રહેતું નથી

મુસીબત છે બહુ મોટી, સાચી સમજણ વિના એ દૂર મારાથી થવાની નથી

રહેવું પડશે જાગૃત સદા, પળપળની જાગૃતિ વિના બીજા છૂટકારાનો કોઈ ઉપાય નથી

કરવો પડશે એનો રે સામનો પળે-પળે, જીવન એના વિના ખાલી નથી

ચૂપ તો નહીં રહેવાય જીવનભર, કરવા ફેંસલા બોલવું પડશે, ચૂપ રહેવામાં તો સમજદારી નથી
કરું ઇનકાર કે કરું એકરાર, કરું શું હું એ સમજાતું નથી