View Hymn (Bhajan)

Sr No. 3853 | Date: 20-Apr-20002000-04-202000-04-20ખેલ્યા ખેલ એવા ખેલૈયાએ એવા કેવા, સહુ કોઈ પોતાની મસ્તીમા મસ્ત રહ્યાંSant Sri Apla Mahttps://www.mydivinelove.org/bhajan/default.aspx?title=khelya-khela-eva-khelaiyae-eva-keva-sahu-koi-potani-mastima-masta-rahyamખેલ્યા ખેલ એવા ખેલૈયાએ એવા કેવા, સહુ કોઈ પોતાની મસ્તીમા મસ્ત રહ્યાં

સમજે સહુ કોઈ પોતાને સમજદાર, તોય સમજથી બધા દૂર રહ્યાં

ખેલ્યા ખેલ ખેલૈયાએ એવા કે, આ જગના મંડાણ મંડાતા રહ્યાં

કરે જેમ કોઈ છૂટવાની કોશિશ, તેમ વધારે ને વધારે બંધાતા રહ્યાં

ચાહે બધા બચવા દર્દ ને પીડથી, પણ એમાંજ વધારે ને વધારે પીડાતા રહ્યાં

પ્રભુ તારી માયાના બંધાણ સહુને લાગ્યા કે, એના નશામાં સહુ જીવતા રહ્યાં

ગમતું ભૂલીને, ના ગમતું કર્તા રહ્યા, કે ખુદની પહેચાન ભૂલતા રહ્યાં

ચાહ્યુ ખુશ રહેવા અપનાવ્યા જે રસ્તા, એમાં એ રઝળતા રહ્યાં

મૃગજળની તલાશમાં એ તો, ખોવાતા ને ખોવાતા રહ્યાં

સદ્દગુણોને અપનાવાને બદલે, સંપત્તિની પાછળ તો પડયા

બંધન તોડવાને બદલે કેદમાં, એ તો ફસાતા ને ફસાતા રહ્યાં
ખેલ્યા ખેલ એવા ખેલૈયાએ એવા કેવા, સહુ કોઈ પોતાની મસ્તીમા મસ્ત રહ્યાં