View Hymn (Bhajan)

Sr No. 1183 | Date: 07-Feb-19951995-02-071995-02-07ક્ષણે-ક્ષણે બદલાતા રંગો મારા, તસવીર તારી બગાડી જાય છેSant Sri Apla Mahttps://www.mydivinelove.org/bhajan/default.aspx?title=kshanekshane-badalata-rango-mara-tasavira-tari-bagadi-jaya-chheક્ષણે-ક્ષણે બદલાતા રંગો મારા, તસવીર તારી બગાડી જાય છે

છવાઈ જાય છે આંખોમાં એવા બીજા આકાર, તસવીર તારી ઘૂંઘળી બનાવી જાય છે

ચાહું છું જે રંગ ભરવા તારી તસવીરમાં, ના એ તો ભરાય છે

બીજા રંગ જ્યાં આંખ સામે આવી જાય છે, ત્યાં બંધુ ભુલાય છે

કરું છું કોશિશ જ્યાં, ત્યાં આંખે અંધકાર આવી જાય છે

ખૂલી હોવા છતા આંખ મારી, મને કાંઈ પણ ના દેખાય છે

અર્ધું અધૂરું રહી જાય છે, જ્યાં વિઘ્ન વચ્ચે આવી જાય છે

ના જાણે કેમ, પણ આવું ને આવું જ થાય છે

ક્ષણ પહેલા સજાવેલા શણગાર, ક્ષણમાં જ ભૂલી જવાય છે

નથી કરી શકતી શણગાર તારા, પ્રભુ, એ અધૂરા ને અધૂરા રહી જાય છે

ક્ષણે-ક્ષણે બદલાતા રંગો મારા, તસવીર તારી બગાડી જાય છે
Kshane-kshane badalata rango mara, tasavira tari bagadi jaya chhe